«ҚАЗАҚСТАН БАЛАЛАРЫ» іс-шара жоспарына сәйкес Есіл аудандық ішкі істер бөлімінің бастығы полиция подполковнигі Мұхамбетжанов Руслан Нағашыбайұлы 9-11 сынып оқушыларымен әңгіме-дүкен құрды.

Бүгін 23 мамыр күні мектебімізде Халықаралық балаларды қорғау күнін мерекелеуге арналған «ҚАЗАҚСТАН БАЛАЛАРЫ» іс-шара жоспарына сәйкес Есіл аудандық ішкі істер бөлімінің бастығы полиция подполковнигі Мұхамбетжанов Руслан Нағашыбайұлы 9-11 сынып оқушыларымен әңгіме-дүкен құрды.Кездесудің мақсаты мектеп оқушыларының құқықтық санасын дамыту, сондай-ақ құқық қорғау органдарына сенімін нығайту болды. Полиция басшысы құқық тәртібін қорғауға ұмтылғандарға полицияның есігі әрқашан ашық екенін баса айтты. Кездесу соңында студенттерге оқуда сәттілік, өздеріне деген сенімділік пен өмір жолын дұрыс таңдауларына тілектестік білдірді.Мұндай іс-шаралар жастар мен мемлекеттік қызметкерлер арасындағы өзара іс-қимылды нығайтуға, сондай-ақ өскелең ұрпақтың құқықтық мәдениетін қалыптастыруға ықпал етеді.